الخلفاء العباسيين

رجل قال لزوجته هل تعرفين ان الخلفاء العباسيين كان لهم ألقابهم مثل المعتصم بالله المتوكل على الله ............ الواثق بالله فلو كنت أنا منهم أي لقب كان يناسبني ؟ فقالت : أنت واحد من إثنين إما . . . . . . أعوذ بالله أو منك لله

شركة الطيران

واحد اتصل بشركة الطيران لارام وقاليهم : بشحال الحسانة عندكم؟ و هي
تجاوبو الموظفة : واش كاتفلا علينا؟ قاليها : ياك نتوما لي دايرين اشهار
في الجورنال وكاتبين "حلق معنا بأرخص الأسعار

الكوكب المراكشي

هادا واحد الاستاد سول التلاميد دياولو :ما هو أقرب كوكب إلى الأرض؟

حتى واحد ما عرف يجاوب. شوية و هو يهز واحد الكسول إيديه: "استاد، استاد، استاد

قال ليه جاوب

جاوب الكسول: الكوكب المراكشي

التلاميد والفرنسية

واحد الأستاذ ديال الفرنسية سول التلاميذ ديالو: أشنو كيعجبكم فـي الفرنسية ؟
واحد قال ليه: اكسبريسيون اكريت 
Expression écrite
التاني قال ليه: اكسبريسيون أورال
  Expression orale 
 نقز الكسول قال ليه: غاماصي ڤو زافيغ
  Ramassez vos affaires

خمسة د الحيوانات

هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات

سبرديلة

هادا واحد الولد مستيلي كان راكب ف الطوبيس ولابس سبرديلة ديال ربعين ألف ريال
جات واحد المرا شارفة عفطات عليه
قال ليها: سمحي ليا أ الوالدة، راكي عافطة على ربعين ألف ريال
تحنات المرا مادة إيديها وقالت ليه: ديال أوليدي

المجاعة

هادا واحد غليييييييض بزاف تلاقا مع واحد رقيييييييق بزاف
قال ليه: يا خويا اللي شافك يقول عايش ف بلاد فيها مجاعة
قال ليه الرقيق: واللي شافك يعرف شكون دار هاد المجاعة

النسيبة

هادا واحد جات عندو نســـيـبتو. قال ليها: شحال غتبقاي معانا؟

 قالت ليه: حتى تملو مني

قال ليها: وبقاي غير حتى تشربي أتاي بعدا

أسرع طريق

واحد تالف سول واحد خينا : خويا عافاك أشنو أسرع طريق توصلني لصبيطار؟

قال ليه : غمض عينيك وقطع الشانطي

بابا زقرام

هادا واحد القرزاز جاي عندو ولدو كيجري: بابا! بابا! بابا

قال ليه القرزاز: أهاداك الحمار! واحد بابا بركة

قرزازين بغاو يتصدقوا

هادو تلاتة زقرامين قرروا يتبرعوا بشوية من فلوسهم حيت كترات عليهم الهدرة

قال ليهم اللول: غادي نرسم واحد الدائرة و نلوح الفلوس من الفوق. الفلوس اللي طاحوا ف الداخل ديال الدائرة ديالي. و الفلوس اللي يطيحوا ف برا الدائرة غادي نتصدق بيهم

قال ليهم التاني: أنا غادي نرسم واحد الخط و نلوح الفلوس من الفوق. الفلوس اللي طاحوا على ليمن ديال الخط ديالي، و اللي طاحوا على ليسر ديال الخط نتصدق بيهم

ناض التالت قال ليهم: أنا غادي نلوح الفلوس من الفوق. اللي طاحوا ديالي و اللي بقى ف السما نتصدق بيه

جوج عشاوات

هادا واحد مولف يتعشى ببيضة وحدة. واحد النهار قالت ليه مرته: اليوم درنا البيض و ماطيشة و هو يقول ليها: آرا برع! جوج عشاوات